FIFA-nın sabiq prezidenti Yozef Blatter və UEFA-nın keçmiş prezidenti Mişel Platini İsveçrə məhkəməsi tərəfindən bəraət alıblar.
Arena.az “RMC Sport” dərgisinə istinadən məlumat verir ki, Platini dələduzluqda ittiham edildiyi məhkəmə işi üzrə bəraət aldıqdan sonra qənaətini açıqlayıb:
“Mənim ləyaqətim bərpa edildi. FIFA və İsveçrənin bəzi federal müddəiləri (prokurarları) arasında son 10 il ərzində davam edən mübarizə başa çatdı.
Mənim ətrafımdakı kimsə belə, mənim nədəsə təqsirkar olduğuma inanmırdı. Bilirəm ki, bu iş qurama idi ki, mənə FIFA prezidenti olmağa maneə törətsin.
Mən bilirəm ki, mənim düşmənlərinə vaxt gərək idi, onlar 2 milyonluq məbləğə tüpürmək istərdilər. Onlar məni 10 illik müddətə kənarlaşdırdılar. Onlar öz qələbələri haqda bilərək, heç apellyasiyalara da gəlmədilər. Bunu, biz də başa düşürük”, deyə Platini vurğulayıb.
Xatırladaq ki, Blatter və Platini 2021-ci ilin noyabr ayında dələduzluq ittihamı ilə üzləşmişdilər. Keçmiş məmurlar vəsaitlərin qeyri-qanunu mənimsənilməsində, cinayətkar qeyri-səmərəli idarəçilikdə, həmçinin sənədlərin saxtalaşdırılmasında ittiham edilirdilər. Təhqiqat üçün əsas FIFA və UEFA-nın büdcələrindən 2,3 milyon ABŞ dolları məbləğində ödənişin həyata keçirilməsi olmuşdu. Bu mənzərədə müddəi (prokuror) Blatter və Platinini şərti olaraq 1 il 8 ay müddətinə həbs cəzasına məhkum etməyi tələb edirdi.
Əlavə edək ki, Yozef Blatter və Mişel Platini öz təqsirlərini inkar edir və müvafiq məbləğin məsləhət xidmətləri müqabilində ödənilməsi haqda öncədən razılaşdırıldığını iddia edirdilər.
