Rusiya və ABŞ zərbə endirilməsinə müvəqqəti qadağa tətbiq ediləcəyi enerji infrastrukturu obyektlərinin siyahısını razılaşdırıb.
NOCOMMENT.az report-a istinadən xəbər verir ki, bu barədə Kremlin saytı məlumat yayıb.
Siyahıya daxildir: neft emalı zavodları, neft və qaz kəmərləri, anbarlar, nasos stansiyaları, elektrik stansiyaları, yarımstansiyalar və transformatorlar da daxil olmaqla elektrik enerjisinin istehsalı və ötürülməsi obyektləri, nüvə elektrik stansiyaları və su elektrik bəndləri.
Müvəqqəti moratorium martın 18-dən qüvvəyə minib və uzadılma imkanı ilə 30 gün üçün nəzərdə tutulub. Tərəflərdən biri tərəfindən pozuntu baş verdikdə, digərinin buna əməl etməkdən imtina etmək hüququ vardır.
