Plastik, Rekonstruktiv və Estetik Cərrahiyyə Mütəxəssisi Operator Dr. Fethiye Damla Menkü Özdemir, plastik əməliyyatların yaşa görə planlaşdırılması lazım olduğunu, doğru zamanda edilən əməliyyatların həm sağlamlıq, həm də estetik baxımdan ən yaxşı nəticələri verdiyini ifadə edib.
News24.az bildirir ki, Rinoplastikanın ən çox tələb olunan əməliyyatlardan biri olduğunu ifadə edən Opr. Doktor Fethiye Damla Menkü Özdemir, "Burun estetikası, yəni rinoplastika, üz sümükləri inkişafını tamamladıqdan sonra edilməlidir. Sümük inkişafı adətən qadınlarda 18 yaş, kişilərdə isə 21 yaş ətrafında tamamlanır. Bu yaşlardan əvvəl edilən əməliyyatlar üz inkişafı davam etdikcə arzuolunmaz nəticələrə səbəb ola bilər" deyib.
Döş estetikası mövzusuna da toxunan Özdemir döş böyütmə və kiçiltmə əməliyyatlarının fərqli yaş qruplarında qiymətləndirildiyini ifadə edərək bunları söyləyib: "FDA 22 yaşdan yuxarı xəstələr üçün silikon implantların istifadəsini tövsiyə edir. Lakin döş kiçiltmə əməliyyatı 15-18 yaş arası gənc xəstələrdə, xüsusən də böyük döşlərə görə fiziki narahatlığı olanlarda edilə bilər. Böyük döşlər bel, çiyin və boyun ağrılarına səbəb ola bilər və insanın həyat keyfiyyətini ciddi şəkildə azalda bilər. Belə hallarda erkən müdaxilə xəstənin sağlamlığına müsbət təsir göstərə bilər."
Zəhraxanım Şeydayeva
