Qlobal hadisələri proqnozlaşdırmaqla tanınan və “Yaşayan Nostradamus” kimi tanınan Athos Salome xəbərdarlıq edib ki, ABŞ prezidenti Donald Trampın yeni dövr siyasəti dünya iqtisadiyyatında sabitliyi poza bilər.
Bundan əvvəl koronavirusun yayılmasını və Kraliça Elizabetin ölümünü düzgün proqnozlaşdıran Salome, Trampın böyük texnologiya şirkətləri ilə güclü əlaqələrinin ciddi probləmlerə səbəb ola biləcəyini bildirib.
Editor.az “Daily Mail”ə istinadən xəbər verir ki, Salome Trampın vəzifəyə gəldikdən sonra İlon Mask (Tesla/SpaceX), Tim Kuk (Apple), Microsoft və Amazon kimi böyük texnologiya şirkətləri ilə qurduğu əlaqələrin bu şirkətlərin qlobal səhnədəki gücünü artırdiginı deyib. Onun sözlərinə görə, hökumətin süni intellektlə bağlı qaydaları yumşaltması bu nəhəng şirkətlərə daha az qanuni məhdudiyyətlərlə işləməyə imkan verir.
Salome deyib ki, Trampın böyük texnologiya şirkətləri ilə tərəfdaşlığı digər ölkələri Amerikanın təsirini məhdudlaşdırmaq üçün yerli alternativlər yaratmağa sövq edə bilər: “Lakin Avropa Birliyinin süni intellektlə bağlı sərt qaydaları və Çinin texnologiyaya böyük sərmayələri ABŞ-ın üstünlüyünə meydan oxuyacaq”.
Athos Salome Trampın enerji siyasəti ilə bağlı da danışıb. O bildirib ki bərpaolunan enerjiyə dəstəyin azalması qalıq yanacaqların yenidən məşhurlaşmasına səbəb oldu: “”ExxonMobil” və “Chevron” kimi böyük enerji şirkətlərinin artan nüfuzu xüsusilə Avropa ölkələri ilə diplomatik problemlərə səbəb ola bilər. ABŞ-ın enerji gücünü artırmaq səylərinin Rusiya və Səudiyyə Ərəbistanı kimi əsas neft ixracatçıları ilə gərginliyə gətirib çıxaracaq”.
“Yaşayan Nostradamus” deyib ki Tramp BRİKS ölkələrinə (Braziliya, Rusiya, Hindistan, Çin, Cənubi Afrika, Misir, Efiopiya, İndoneziya, İran və Birləşmiş Ərəb Əmirlikləri) qarşı xüsusilə aqressiv mövqe nümayiş etdirir. Rusiya və Hindistanla ticarət gərginliyi artır, Çinə yeni tariflər tətbiq edilir. Salome proqnozlaşdırır ki, bu, alternativ iqtisadi blokların formalaşmasını sürətləndirə və ABŞ-ın qlobal gücünü zəiflədə bilər.
Onun iddiasına görə, Tramp Çinə qarşı sərt siyasət yürütsə də, onun Pekinə ilk beynəlxalq səfəri iqtisadi əlaqələrin siyasi ritorikadan da önəmli olduğunu göstərir. Salomenin sözlərinə görə, Çin və ABŞ arasında iqtisadi əlaqələr siyasi gərginlikdən daha mürəkkəbdir.
Salome bildirir ki, Trampın cəmiyyətdə yaratdığı qütbləşmə də diqqətə alınması lazım olan başqa bir məqamdır. O deyir ki, populist ritorika və anti-immiqrant siyasət ABŞ-da genişmiqyaslı etirazlara və sosial qeyri-sabitliyə səbəb ola bilər.
\\Samir Qurbanov, Editor.az
