Maniken və aktrisa Banu Öztürk saxlanılıb.
Heftelik.az-ın Türkiyənin NTV telekanalına istinadən verdiyi məlumata görə, 2009-cu ildə Türkiyə gözəli seçilən Banu Öztürk haqqında Prezident Rəcəb Tayyib Ərdoğanı təhqir iddiası ilə Beykoz Prokurorluğunda istintaq başlanıb.
İstintaq çərçivəsində Banu Öztürk saxlanılıb.
Qeyd edək ki, 1985-ci il martın 7-də dünyaya gələn Banu Öztürk Florida International Universitetini bitirdikdən sonra ABŞ-da teatr, musiqi və rəqs təlimi keçib, 2009-cu ildə “Miss Globe Türkiye” kraliçası seçilib.
Banu Öztürk aktrisa kimi “Avrupa Yakası”, “Adanalı”, “Derman”, “Geniş Aile”, “Şen Yuva” və “Güzel Çirkin” kimi teleseriallarda rol alıb. 2014-cü ildə iş adamı İsmail Akay ilə evlənən Banu Öztürkün bu evlilikdən bir oğlu dünyaya gəlib. 2017-ci ildə boşanan Banu Öztürk maddi çətinliklərlə əlaqədar bir müddət qadınlar üçün sığınacaqda qalb.
