Rusiya və ABŞ-dan olan ekspert nümayəndə heyətləri arasında məsləhətləşmələr davam edəcək.
NOCOMMENT.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinq zamanı deyib.
“Rusiya və ABŞ-ın ekspert nümayəndə heyətləri arasında məsləhətləşmələr davam edəcək”, – diplomat bildirib.
Qeyd edək ki, martın 24-də Rusiya və ABŞ-dan olan nümayəndə heyətləri Səudiyyə Ərəbistanının paytaxtı Ər-Riyadda Ukraynadakı münaqişənin həlli ilə bağlı danışıqlar aparıblar və danışıqların mərkəzi mövzusu Qara dənizdə gəmiçiliyin təhlükəsizliyinin təmin edilməsi elan edilib. Atəşkəs və infrastrukturun qorunmasının da müzakirə edildiyi görüş ümumilikdə 12 saat davam edib.
