UEFA Çempionlar Liqasının 1/8 final mərhələsində “Atletiko Madrid”lə cavab oyunundan sonrakı davranışlarına görə “Real Madrid”in futbolçuları ilə bağlı araşdırmaya başlayıb.
Fanat.Az xəbər verir ki, məlumatı qitə futbol qurumu açıqlayıb.
Bildirilib ki, UEFA-nın mənzil-qərargahının yerləşdiyi Nyonda “Real Madrid”in futbolçuları Antonio Rudiger, Kilian Mbappe, Dani Sebalyos və Vinisius Juniorun "Atletiko" ilə keçirilən cavab oyunu zamanı nalayiq davranışlarını araşdırmaq üçün etika və intizam müfəttişi təyin edilib.
İlk oyunda evdə 2:1 hesabı ilə qalib gələn “Real” cavab görüşünün əsas vaxtında 0:1 hesabı ilə uduzub. Əlavə vaxtda üstünlük qazanan olmayıb və belədə komandalar penaltiləri yerinə yetirməli olub. Burada isə “Kral klubu” 4:2 hesabı ilə qalib gəlib.
Əlavə vaxtda Vinisius Junior “Atletiko” azarkeşlərinə qarşı təxribat xarakterli jestlər edib, Mbappe, Antonio Rudiger, Dani Seballos və Cud Bellingem isə “Real”ın penaltilər seriyasındakı qələbəsindən sonra nalayiq hərəkətlərə yol veriblər.
Mirağa
