"Şirvan Sığorta və Təkrar Sığorta Brokeri” MMC 2024-cü ili 22 min 208 manat xalis zərər ilə başa vurub. Şirkət 2023-cü ili 77 min 649 manat xalis mənfəət ilə bağlamışdı. Beləliklə, "Şirvan Sığorta və Təkrar Sığorta Brokeri” mənfəətdən zərərə keçib. Bunun səbəbi Şirkətin gəlirlərinin kəskin azalmasıdır.
Marja.az Şirkətin 31 dekabr 2024-cü il tarixində başa çatmış il üzrə maliyyə hesabatlarına istinadən xəbər verir ki, "Şirvan Sığorta və Təkrar Sığorta Brokeri”nin cəmi gəlirləri 2023-cü ildə 133 min 442 manat ikən, 2024-cü ildə 12 min 211 manat təşkil edib (121 min 231 manat və ya təxminən 11 dəfə azalıb). Şirkətin bütün gəliri "sair gəlirlər" üzrə təsnifləşdirilir.
"Şirvan Sığorta və Təkrar Sığorta Brokeri”nin cəmi xərcləri 2023-cü ildə 36 min 380 manat ikən, 2024-cü ildə 34 min 415 manat olub (1965 manat və ya 5,4% azalıb).
Gəlirlərdəki azalmanın məbləği xərclərdəki azalmanın məbləğindən daha yüksək olub. Eyni zamanda, ötən il "Şirvan Sığorta və Təkrar Sığorta Brokeri”nin gəlirləri xərclətini ödəməyib.
31 dekabr 2024-cü il tarixində 67 min 129 manat cəmi aktivlərə malik olub. Şirkət 2023-cü ilin sonunda 100 min 774 manat cəmi aktivlərə mali idi.
