Goranboyda 17 yaşlı qızına bıçaqla xəsarət yetirən ata saxlanılıb.
Bizim.Media-nın yerli bürosu xəbər verir ki, Goranboy rayon polis əməkdaşlarının keçirdikləri əməliyyat tədbirləri nəticəsində hadisəni törətməkdə şübhəli bilinən, 1979-cu il təvəllüdlü Rafiq Cəfərov saxlanılıb.
MÖVZU İLƏ BAĞLI:
Goranboyda DƏHŞƏT: Ata 17 yaşlı qızını bıçaqladı
Onun hansı səbəbdən bu hadisəni törətdiyi hələlik məlum deyil. Faktla bağlı araşdırmalar davam edir.
Qeyd edək ki, hadisə rayonun Balakürd kəndində baş verib.
2008-ci il təvəllüdlü G.C. bədənin kəsilmiş-deşilmiş yarası xəsarəti alıb. Ona ailə münaqişəsi zaman bıçaq zərbəsini vurmaqda atası, Balakürd kənd sakini 1979-cu il təvəllüdlü Rafiq Cəfərov şübhəli bilinir. Yeniyetməyə ilkin tibbi yardım göstərilib, vəziyyəti stabildir.
Məqsəd Rəhimov, Bizim.Media, Qərb bürou
