Polşa Ordusuna 6.5 milyard PLN ( 1.6 milyard ABŞ dolları) dəyərində 111 ədəd “Borsuk” piyad döyüş maşını (PDM) tədarük ediləcək.
“Poliqon” Polşanın Silahlandırma Agentliyinə istinadən xəbər verir ki, bunun üçün Agentlik ilə “Polska Grupa Zbrojeniowa” və “Huta Stalowa Wola” şirkətləri arasında satınalma müqaviləsi imzalanıb.
Müqaviləyə əsasən, istehsal ediləcək PDM-lər 2025-2029-cu illər müddətində müştəriyə çatıdırılacaq. Polşa Ordusu “Borsuk”ların ilk partiyasını cari il ərzində əldə edəcək.
