“Turan Tovuz” Misli premyer-liqasının 28-ci turunda evdə “Qarabağ” önündə darmadağın oldu - 1:4.
“Football-plus.az” meydan sahiblərinin baş məşqçisi Kurban Berdıyevin oyunsonrası mətbuat konfransından hesabatı təqdim edir.
- 3-cü qola qədər cavab qoluna ümid bəsləyirdik. Əvəzetmələrdən sonra şansımız qalmadı. “Qarabağ”ın əvəzetmələri rəqibin oyununu gücləndirdi.
- Fərdi səhvlər nə vaxta qədər davam edəcək?
- Buna cavab verə bilməyəcəm.
- “Qarabağ” cari mövsümdə ilk dəfə “Turan Tovuz”u məğlub etdi. Əvvəlki oyunlardan fərqli bu dəfə nəyi səhv etdiniz?
- Uşaqlarda həvəs var idi və həddən çox idi. Bu da müəyyən qədər mane oldu.
- Tribunalar tam dolmuşdu. Azarkeşlərə ümidləndirici nə söyləyə bilərsiz?
- Ümumilikdə ağrı var və mənə də təsir edir. Azarkeşlər bizi həmişə dəstəkləyir. Təəssüf ki, onları sevindirə bilmədik.
- Yeni baza haqda ilkin təəssüartlarınız necədi?
- Klub tarixində yaxşı addımdı. Bu addıma görə rəhbərliyə təşəkkür etmək lazımdı.
- Rəqib baş məşqçilər sizin oyun üslubunuzu çözüb?
- Məsələ taktikada deyil. Taktika hər oyun dəyişə bilər. Məsələ düzülüşdədi.
ƏSƏD SEYİDOV
Nə baş verir?
