“Airbus” şirkəti H145M helikopterlərinin ilk partiyasını Kiprə təhvil verib.
“Poliqon” “Airbus”a istinadən xəbər verir ki, çatdırılan iki ədəd H145M helikopteri Kipr Milli Qvardiyası tərəfindən istismar olunacaq.
H145M, qlobal miqyasda səkkiz milyon uçuş saatını geridə qoyan iki mühərrikli H145 helikopterinin hərbi versiyasıdır. O, “Airbus Helicopters” tərəfindən hazırlanmış silah idarəetmə sistemi olan “HForce” ilə təchiz edilib. H145M yüngül döyüş helikopteri pulemyot və raketlər də daxil olmaqla, müxtəlif silah sistemlərini daşıya bilir.
