Bu gün Azərbaycanın 19 yaşadək futzalçılardan ibarət milli komandası (U-19) Avropa çempionatının əsas seçmə mərhələsinin 7-ci qrupunda son matçına çıxacaq.
Offsideplus.az xəbər verir ki, İlqar Aslanovun yetirmələri Türkiyədən olan həmyaşıdları iə qüvvələrini sınayacaqlar.
Xorvatiyada keçiriləcək matç Bakı vaxtı ilə saat 19-da start götürəcək.
Son tur ərəfəsində yığmamız axırıncı, 4-cü pillədə qərarlaşıb. Birinci turda Bosniya və Herseqovinaya 2:10 hesabı ilə uduzan komandamız ardınca Xorvatiya ilə heç-heçə (3:3) oynamışdı.
Buna baxmayaraq, U-19 qrup qalibi qismində Avropa çempionatının final mərhələsinə çıxması üçün nəzəri şansını saxlayıb. Bundan ötrü futzalçılarımız türkləri ən azı 15 top fərqi ilə məğlub etməlidirlər və Xorvatiya - Bosniya və Herseqovina matçında heç-heçəyə ümid bəsləməlidirlər. Belə olan halda, Azərbaycan, Türkiyə və Bosniya və Herseqovinanın 4 xalı xalı olacaq və həmyerlilərimiz ən yaxşı top fərqinə görə mərhələ adlayacaqlar.
Azərbaycan – Türkiyə
29 mart. Ribnjak İdman Arenası. Saat 19:00
Hakimlər: Filipa Prata (Portuqaliya), Rastislav Behancin (Slovakiya), Liviu Dumitru Çita (Rumıniya)
Timekeeper: Luka Kovaç Levantin (Xorvatiya)
Hakim-isnpektor: Victor van Helvoirt (Niderland)
UEFA nümayəndəsi: Fabrizio Di Felice (İtaliya)
Turnir cədvəli:
1. Türkiyə 4 xal (topların fərqi 17-6)
2. Bosniya və Herseqovina 3 (13-6)
3. Xorvatiya 2 (6-6)
4. Azərbaycan 1 (5-13)
