Finlandiya, İsveç, İslandiya və Norveçin xarici işlər nazirləri ABŞ vitse-prezidenti Ceyms Devid Vensin Qrenlandiyaya səfəri fonunda Danimarkaya dəstəklərini ifadə ediblər.
Publika.az xəbər verir ki, bu barədə onların “X” sosial media hesablarında paylaşım edilib.
İsveçin xarici işlər naziri Maria Malmer Stenergard İsveç və Danimarkanın dost, qonşu və müttəfiq olduğunu bildirib. Qeyd edib ki, hər iki ölkə Arktika regionunda və NATO-da təhlükəsizliyi gücləndirmək üçün sıx əməkdaşlıq edir.
Diplomat Qrenlandiyanın Danimarkanın və alyansın bir hissəsi olduğunu, həmçinin ittifaqın qorunması üçün mühüm ərazi olduğunu vurğulayıb.
Danimarkaya dəstəklərini Finlandiyanın xarici işlər naziri Elina Valtonen, islandiyalı həmkarı Thorgerdur Katrin Gunnarsdottir və norveçli həmkarı Espen Barth Eide də ifadə ediblər.
