Rusiyada onlayn bankçılıq istifadəçilərinin mobil telefonlarına giriş əldə edərək "Mamont" virusu yoluxduran şəxslər həbs edilib.
Demokratikmusavat.comxəbər verir ki, bu barədə Rusiya Daxili İşlər Nazirliyi məlumat yayıb.
Nazirlik həbsləri Saratov, Tula və Ulyanovsk vilayətlərindən olan həmkarları ilə birlikdə həyata keçirib. Bu çərçivədə fırıldaqçılardan idarəetmə serverləri, kompüterlər, telefonlar, yaddaş qurğuları və bank kartları götürülüb.
Nazirlik qruplaşma üzvlərinin 300-dən çox cinayətlə əlaqəsi olduğunu və dəymiş ziyanın müəyyənləşdirilməsinin hələ də davam etdiyini bildirib.
Nazirliyin Saratov üzrə İstintaq İdarəsi Rusiya Federasiyası Cinayət Məcəlləsinin 159.6 və 272-ci maddələri ilə cinayət işi açıb. (publika.az)
