Əfqanıstan administrasiyası ABŞ administrasiyasının 2021-ci ildə Əfqanıstandan çıxarılmasından sonra geridə qoyduğu hərbi texnikanın təhvil verilməyəcəyini açıqlayıb.
"Cebheinfo.az" xəbər verir ki, Əfqanıstanın müvəqqəti hökumətinin Xarici İşlər Nazirliyinin sözçüsü Əbdül Qəhhar Bəlxi ABŞ-nin ölkədəki texnikası ilə bağlı “CBS News”-a danışıb.
Sözügedən avadanlığın ABŞ-yə təhvil verilməyəcəyini deyən Bəlxi, "Dövlətlər varlıqlarından əl çəkmirlər" deyib.
Digər tərəfdən Bəlxi rəhbərliyin ABŞ da daxil olmaqla Əfqanıstanın mədən sektoruna sərmayə qoymaq istəyən ölkələrə açıq olduğuna diqqət çəkib.
