Rejissor David Ayer, Bred Pittlə yenidən bir araya gələcəyi filmlə bağlı mühüm yeniliyi paylaşıb.
Hafta.az-ın yazdığına görə, keçmiş ABŞ Hərbi Dəniz Qüvvələrinin sualtı ekipaj üzvü olan Ayerin hərbi keçmişi illər ərzində bir çox film layihələrinə ilham verib. Həmin layihələrdən biri də 2014-cü ildə çəkilmiş “Fury” müharibə filmi idi. Filmdə Pitt İkinci Dünya Müharibəsini canlandırır. O, İkinci Dünya Müharibəsinin son həftələrində Almaniyada döyüşən Amerikalı tank komandirini canlandırıb.
68 milyon dollarlıq büdcəsinə qarşı dünya üzrə 211,8 milyon dollar kassa gəliri əldə edən “Fury”, əsasən müsbət rəylər alıb.
Şaya LaBeuf, Loqan Lerman, Maykl Pena və Con Bernthal kimi ulduz heyəti ilə diqqət çəkən film, Milli Nəzarət Şurası tərəfindən də Ən Yaxşı Ansambl Performansı mükafatına layiq görülüb.
Ayer son illərdə “The Beekeeper” filmində Ceyson Stathamla uğurlu əməkdaşlıq etsə də, daha əvvəl onun aksiyon dolu davamında rejissor kürsüsündə oturmayacağı açıqlanmışdı. Əvəzində filmin rejissorluğu 2018-ci ildə “The Night Comes For Us” filmi ilə tanınan indoneziyalı rejissor Timo Tjahjantoya həvalə edilib.
Bu arada Ayer Pittin baş rolda olduğu “Heart of the Beast” trilleri ilə məşğul olacaq. Filmdə Pitt iti ilə birlikdə Alyaskanın səhrasında qapalı qalan keçmiş xüsusi təyinatlı əsgəri canlandıracaq.
“Collider”ə danışan Ayer “Heart of the Beast” haqqında yenilikləri paylaşıb və çəkilişlərin çox yaxında başlayacağını açıqlayıb. O, həmçinin yeni filmini "klassik, köhnə məktəb macəra filmi" kimi xarakterizə edib və Hollivudun onilliklər ərzində ustalıqla təqdim etdiyi kino ənənəsini geri qaytarmaq istədiyini vurğulayıb.
57 yaşlı rejissor “Çəkilişlərə tezliklə başlayacağıq” deyib: “Bredlə bir daha əməkdaşlıq etməkdən məmnunam. Bircə onu deyə bilərəm ki, bu klassik, köhnə məktəb macəra filmi olacaq. Hollivudun onilliklər ərzində çox yaxşı etdiyi budur və mən əsl macəra hekayəsini izah etmək üçün həmin kino ənənəsini geri qaytarmaq istəyirəm”.
