Danimarka Qrenlandiyanın statusu məsələsində ABŞ-la münasibətlərdə taktikasını dəyişib və Kopenhagen indi Vaşinqtonun ritorikasına qarşı durmağa çalışır...
Poliqon xəbər verir ki, bu barədə Financial Times yazır.
Qəzet yazır: "Daha əvvəl Trampın tələblərinə məhəl qoymamağa çalışan və müttəfiqlərini onun şərhlərinə cavab verməməyə çağıran Danimarka son həftələrdə Vaşinqtonun ritorikasına qarşı çıxmaq üçün taktikasını dəyişib".
Qeyd olunur ki, Danimarkanın xarici işlər naziri Lars Lokke Rasmussen Qrenlandiyada Tramp administrasiyasının Kopenhagen rəhbərliyinə hücumlarına açıq şəkildə cavab verib.
Rasmussen 1951-ci ildə Danimarka ilə ABŞ arasında imzalanmış müdafiə sazişini xatırladıb və bu, Vaşinqtona adada hərbi mövcudluğunu gücləndirməyə imkan verir. Xarici İşlər Nazirliyinin rəhbəri qeyd edib ki, 1945-ci ildə Qrenlandiyada Amerikanın 17 hərbi bazası var idisə, hazırda onlardan yalnız biri qalıb.
Poliqon.info
