Məktəbimizdə Beynəlxalq kitab bağışlama günü ilə bağlı geniş tədbir keçirilirdi. Sinif rəhbərimiz Sevinc Əzimova bizə tapşırmışdı ki, hər bir şagird kitab haqqında bir söz, bir fikir bildirməlidir.
Növbə mənə çatanda fikrimi belə ifadə etdim: "MƏN BÖYÜYƏNDƏ YAZIÇI OLUB, KİTAB YAZACAM!"
...İki gün keçmişdi ki, Uşaq Birliyinin rəhbəri Məryam Rüstəmova mənə dedi ki, dərsdən sonra təşkilatçı (Azərbaycan Respublikasının Əməkdar müəllimi, Prezident təqaüdlü yazıçı-publisist) Səxavət Tağların (Tağıyev) otağına gedərsən, səninlə söhbəti var.
Həmin gün çox düşündüm:
...Otağa daxil olanda məni səmimiyyətlə qarşılayıb, yer göstərdi. Təbəssümlə "Yazıçı oğlan, əyləş", - dedi.
Bildirdi ki, yazıçı olmaq istəyin geniş əks-səda yaradıb: ""Ədəbiyyat qəzeti"nin şöbə redaktoru Sərvaz Hüseynoğlu zəng edib deyir ki, o şagirdin fikirini alıb, bizə göndərərsiniz. İndi danış, nə üçün yazıçı olmaq istəyirsən, bu fikir sənə haradan gəldi?".
Mən fikirlərimi belə bildirdim: "Müəllimlərimiz inşa yazdıranda, bir esse hazırlamağı tapşıranda çox sevinirəm. Müstəqil fikirlərimi yazıram. Hər dəfə də əməyim təqdir olunanda sevincimin həddi-hüdudu olmur. Çoxlu ədəbiyyat oxuyuram. Bir neçə məqalə və hekayə də yazmışam. Düşünürəm ki, böyüyəndə yazıçı olub, kitab yazacam...".
Ayrılanda Səxavət müəllim mənə bir neçə kitab hədiyyə etdi və yazdığım yazıları ona çatdırmağı tapşırdı.
Orxan Cavadzadə,
İmişli rayonu Cəfərli kənd Fazil Rəhimov adına 2 nömrəli tam orta ümumtəhsil məktəbinin V sinif şagirdi
MİA.AZ
