Sabah Azərbaycan Kubokunda ilk yarımfinal oyununda "Qarabağ"ı qonaq edəcək "Araz-Naxçıvan" qarşılaşmaya itkilərlə hazırlaşır.
Fanat.Az-a klubun mətbuat xidmətindən verilən məlumata görə, heyətdə 2 zədəli futbolçu var.
Mustafa Əhmədzadə ilə Miço Kuzmanoviçin sabahkı görüşdə oynamayacağı dəqiqdir. Hər ikisi son turlarda olduğu kimi, zədə səbəbindən komandaya kömək edə bilməyəcək. Daha bir zədəli futbolçunun - Bəxtiyar Həsənalızadənin oynayıb-oynamayacağına isə görüş ərəfəsində aydınlıq gələcək.
Qeyd edək ki, 2 apreldə "Liv Bona Dea Arena"da keçiriləcək "Araz-Naxçıvan" - "Qarabağ" qarşılaşması saat 17:00-da başlayacaq.
Mirağa
