Ukrayna sosial sorğusu sorğuda iştirak edən ukraynalıların yarıdan çoxunun Ukrayna və Rusiya arasında kompromis sülhə dəstək olduğunu göstərib.
NOCOMMENT.az xəbər verir ki, bu barədə Socis şirkətinin araşdırmasında deyilir.
Ukrayna sakinlərindən münaqişənin gələcək inkişafının ssenarisi ilə bağlı suala cavab vermələri istənilib. Respondentlərin 56,5 faizi “müharibəyə son qoymaq üçün başqa ölkələrin liderlərinin iştirakı ilə kompromis həll yolu axtarın” variantı ilə cavab verib.
Sorğuda iştirak edən ukraynalıların 17 faizi hazırkı döyüş təmas xəttində hərbi əməliyyatların dayandırılmasını istəyir. 11 faiz – münaqişənin 1991-ci il sərhədlərinə qədər davam etməsi, 8 faizi isə 23 fevral 2022-ci il sərhədlərinə qədər.
Daha əvvəl Rusiya prezidentinin mətbuat katibi Dmitri Peskov bəyan etmişdi ki, Rusiya və ABŞ Ukraynadakı münaqişənin həlli ilə bağlı ideyaların həyata keçirilməsi üzərində işləyirlər. O əlavə edib ki, bu məsələdə Moskva ilə Vaşinqton arasında əməkdaşlıqla bağlı hələlik konkret məlumat yoxdur.
