Səudiyyə Ərəbistanı kubokunun yarımfinal mərhələsində "Əl-İttihad" evdə “Əl-Şəbab”la qarşılaşıb.
QOL.az xəbər verir ki, görüş "Əl-İttihad"ın 3:2 hesablı qələbəsi ilə yekunlaşıb.
Meydan sahiblərinin qollarını Fabinyo (penalti) və əlavə olunmuş vaxtda dubl edən Danilo vurub. Qonaqlar isə Kristian Quankanın sayəsində iki qola imza atıblar.
Bu qələbə ilə "Əl-İttihad" turnirin finalına yüksəlib. Komanda həlledici matçda "Əl-Qadisiya" - "Əl-Raed" cütünün qalibi ilə qarşılaşacaqlar.
Xatırladaq ki, "Əl-Şəbab"ı türm mütəxəssis Fatih Terim çalışdırır.
