Beynəlxalq insan haqları təşkilatı Amnesty International Macarıstan hakimiyyətini İsrailin baş naziri Binyamin Netanyahunu həbs etməyə çağırıb...
Poliqon xəbər verir ki, bu barədə Səudiyyə Ərəbistanının ingilisdilli “Arab News” qəzeti məlumat yayıb.
Beynəlxalq Amnistiya Təşkilatının qlobal araşdırma, təbliğat və siyasət üzrə rəhbəri Erika Gevara-Rosas İsrailin baş nazirinin hərbi cinayətkar olduğunu deyib. Ona görə də Macarıstan Beynəlxalq Cinayət Məhkəməsinin (ICC) üzvü kimi Netanyahunu Budapeştə gələrsə, onu həbs etməyə borcludur.
Gevara-Rosas vurğulayıb ki, İsrailin baş nazirinin Macarıstana gözlənilən səfəri BCM-nin işinə xələl gətirmək və İsrailin hərbi cinayətlərinin qurbanı olan fələstinliləri təhqir etmək üçün kinli cəhd kimi qiymətləndirilməlidir.
Hüquq müdafiəçisi Avropa və dünya liderlərini utanc verici susqunluq və hərəkətsizliyə son qoymağa, Budapeştdən Netanyahunun həbsini tələb etməyə çağırıb.
Qeyd edək ki, fevralın 7-də Macarıstanın xarici işlər naziri Peter Szijjarto bildirib ki, Budapeşt ABŞ prezidenti Donald Trampın BCM-yə qarşı sanksiyalar tətbiq etmək qərarını dəstəkləyir.
Poliqon.info
