?ChatGPT? çat-botunun yaradıcısı olan ?OpenAI? şirkəti əsas iştirakçısı ?SoftBank?ın olduğu 40 milyard dollarlıq investisiya raundu həyata keçirib.
İnvestisiya raundu çərçivəsində ?OpenAI? 300 milyard dollar dəyərində qiymətləndirilib, şirkətin açıqlamasında bildirilir. ?OpenAI?nin bəyanatında deyilir ki, yeni maliyyə “süni intellekt üzrə tədqiqatın sərhədlərini daha da genişləndirməyə və hesablama infrastrukturunu genişləndirməyə imkan verəcək”.
?SoftBank? ?OpenAI Global?a 30 milyard dollara qədər sərmayə qoyacağını bildirib. Daha 10 milyard dolların isə digər investorlar qrupu tərəfindən şirkətə veriləcək. ?SoftBank?ın məlumatına görə, ?OpenAI? aprelin ortalarına planlaşdırılan birinci raundda ümumilikdə 10 milyard dollar alacaq. Qalan 30 milyard dollar isə ?OpenAI Global?ın 2025-ci ilin sonu və ya 2026-cı ilin əvvəlində müstəqil kommersiya qurumuna çevrilməsi şərti ilə ödəniləcək.
?SoftBank? qeyd edir ki, bu şərt yerinə yetirilməsə, ?OpenAI? ikinci mərhələdə cəmi 10 milyard dollar investisiya alacaq. ?OpenAI?nin keçən il gəliri 3.7 milyard dollar olub və şirkət bu il onuüç dəfədən çox artıraraq 12.7 milyard dollara çatdıracağını gözləyir. ?OpenAI? 2029-cu ildə gəlirinin 125 milyard dolları keçəcəyini proqnozlaşdırır.
