Qax Rayon İcra Hakimiyyəti tərəfindən elan edilən üç tender ləğv edilib.
DİN-in tibbi xidmətlər tenderi niyə ləğv olundu?
FED.az xəbər verir ki, ləğv edilmə səbəbi hər üç halda eyni olub: satınalmada iştirak etmək üçün təklifi və təklifin təminatını təqdim etmiş, tələb olunduğu halda müvafiq lisenziyaya və ya icazəyə malik olan təchizatçıların sayı üçdən az olub (36.1.1.).
Ləğv edilən tenderlərdən biri Qax şəhəri küçələrində və döngələrdə yol və səkilərin, eyni zamanda şəhər qəbirstanlığının giriş yolunun əsaslı təmirini əhatə edirdi. Bu tenderin ehtimal olunan qiyməti 313.810,30 AZN idi. Müsabiqə 21 fevral 2025-ci il saat 16:15-də dərc olunmuşdu və təkliflərin son təqdim edilmə tarixi 18 mart 2025-ci il saat 16:00 olaraq müəyyən edilmişdi. Zərflərin açılışı da həmin gün və saatda baş tutmalı idi.
Digər bir ləğv edilən tender isə Qax şəhəri, Heydər Əliyev prospekti 97, Üzeyir Hacıbəyov küçəsi 6a, 8a, 8b, Nəriman Nərimanov küçəsi 6 saylı kommunal yaşayış binalarının həyətlərində asfalt-beton örtüyün əsaslı təmirini nəzərdə tuturdu. Bu layihənin ehtimal olunan qiyməti 28.918,00 AZN idi. Müsabiqə 21 fevral 2025-ci il saat 14:53-də elan edilmişdi. Təkliflərin təqdim olunma tarixi 18 mart 2025-ci il saat 17:00, zərflərin açılışı isə həmin gün və saatda həyata keçirilməli idi.
Üçüncü ləğv edilən tender isə Qax şəhəri ərazisində yerləşən kommunal yaşayış binalarının təmiri və həyətlərində abadlıq işlərinin, o cümlədən Qax rayon Dövlət Arxivində təmir işlərinin satın alınmasını əhatə edirdi. Bu tenderin ehtimal olunan qiyməti 155.974,20 AZN idi. Müsabiqə 18 fevral 2025-ci il saat 19:11-də elan olunmuşdu. Təkliflərin son təqdim olunma tarixi 13 mart 2025-ci il saat 17:00 idi və zərflərin açılışı həmin gün və saatda baş tutmalı idi.
