ABŞ prezidenti Donald Trampın siyasətinə etiraz edən demokrat senator Kori Buker Baş Assambleyanın kürsüsündə 25 saat 4 dəqiqəlik çıxışı ilə “Senatda ən uzun çıxış” rekordu qırıb.
Publika.az xəbər verir ki, Buker çıxışında Tramp administrasiyasının büdcə ixtisarlarını, federal idarədəki işdən çıxarmaları və Hökumətin Səmərəliliyi Departamentinə (DOGE) bağlı büdcə azaltma əməliyyatlarını tənqid edib.
“Mən fiziki gücüm olduğu müddətcə ABŞ Senatının normal işini pozmaq niyyəti ilə ayağa qalxıram. Çünki ölkəmizin böhran içində olduğuna inanıram”, - deyə o bildirib.
Buker həmçinin sosial təminat, immiqrasiya da daxil olmaqla, yerli gündəmdəki əsas məsələlərə toxunub. O, məqsədinin Trampın "yanlış siyasətinə" diqqət çəkmək olduğunu qeyd edib.
