Qəhvənin tərkibindəki maddələr bəzi dərmanların mənimsənilməsinə, parçalanmasına və orqanizmdə istifadəsinə təsir göstərə bilər.
BAKU.WS xəbər verir ki, aşağıdakı dərmanlarla ehtiyatlı olmaq tövsiyə edilir:
Qan durulducular (antikoaqulyantlar) – Qəhvə qan durulducu dərmanların təsirini gücləndirə bilər.
Antidepressantlar – Onların mənimsənilməsini zəiflədə bilər.
Antipsixotik dərmanlar – Qəhvə ilə birgə qəbulu təsirini azalda bilər.
Astma dərmanları – Yan təsirləri artıraraq mənimsənilməsini zəiflədə bilər.
Təzyiq dərmanları – Orqanizmə daha az sorulmasına səbəb ola bilər.
Altsheymer və demensiya dərmanları (xolinesteraza inhibitorları) – Effektivliyini azalda bilər.
Soyuqdəymə və allergiya dərmanları (feksodenadin və psevdofedrin tərkibli preparatlar) – Qəhvə ilə birgə qəbul edildikdə yan təsirlərin riskini artıra bilər.
Diabet dərmanları – Qanda şəkərin səviyyəsinə mənfi təsir edə bilər.
Metotreksat (xərçəng və autoimmun xəstəliklərdə istifadə olunur) – Qəhvə bədənin bu dərmanı mənimsəmə formasını dəyişə bilər.
Osteoporoz dərmanları – Effektivliyini azalda bilər.
Antibiotiklər (xinolon qrupu, məsələn, siprofloksasin) – Yan təsirlərini artıra bilər.
Qalxanabənzər vəz dərmanları – Effektivliyini azalda bilər.
Həkimlə məsləhətləşmədən bu dərmanları qəhvə ilə qəbul etmək məsləhət görülmür.
