İkinci Liqa təmsilçisi "Araz Saatlı"nın yeni baş məşqçisi müəyyənləşib.
Fanat.Az xəbər verir ki, məlumatı klubun mətbuat xidməti yayıb.
Tanınmış mütəxəssis Asim İbrahimovla növbəti mövsümün sonuna qədər müqavilə imzalanıb.
O, bir neçə gün əvvəl istefa verən Şəhriyar Məmmədovu əvəzləyib.
İbrahimov əvvəllər Azərbaycanda MOİK, “Qaradağ Lökbatan”, “İnter”, “Turan” və “Neftçi”də çalışıb. O, həmçinin, Ukrayna, Türkiyə və son olaraq Moldova klublarında da məşqçilik edib.
