Nəsimi rayon İcra Hakimiyyəti yanında İctimai Şuranın yeni tərkibdə formalaşmış üzvləri ilə ilk iclas keçirilib.
Mia.az-ın məlumatına görə, iclası giriş sözü ilə açan Nəsimi rayon İcra Hakimiyyəti başçısının birinci müavini Gülarə Verdiyeva seçilmiş bütün üzvləri təbrik edərək, gələcək fəaliyyətlərində uğurlar arzu edib.
Daha sonra seçilən şura üzvlərinin adları qeyd olunub və yeni tərkibin vəzifə bölgüsü aparılıb. Aparılan ümumi səsvermə nəticəsində Nəsimi rayon İcra Hakimiyyəti yanında İctimai Şuranın sədri Elnur Rəhimov, sədr müavinləri Sənan Hüseynov və Sevda Quliyeva, katib vəzifəsinə isə Günel Bağırova seçilib.
