ABŞ maliyyə naziri Skott Bessent digər ölkələri Donald Trampın tətbiq etdiyi yeni tariflərə cavab olaraq təcili tədbirlər görməyə çağırıb.
Publika.az CNN-ə istinadla xəbər verir ki, nazir gözləməyə və bunun hara getdiyini görməyə çağırıb: "Arxaya oturun, dərindən nəfəs alın, dərhal qisas almayın".
Skott Bessent bildirib ki, cavab tədbirləri görülərsə, bu, ticarət müharibəsinin genişlənməsinə gətirib çıxaracaq və ABŞ-ın üstünlüyü olacaq.
"Ticarət müharibəsi ölkədən asılıdır. Amma unutmayın ki, ticarətin tarixi ondan ibarətdir ki, biz kəsirli ölkəyik. Kəsirli ölkənin üstünlüyü var. Onlar izafi ölkələrdir. Ənənəvi olaraq, izafi ölkələr hər hansı ticarətin eskalasiyasında həmişə uduzur", - Bessent vurğulayıb.
O, həmçinin tariflərin daimi olmaya biləcəyini qeyd edib.
Bundan əvvəl Avropa İttifaqı, Çin, Yaponiya, Cənubi Koreya, Kolumbiya və Meksika Trampın ticarət hərəkətlərinə cavab verəcəklərini bildirmiş, Avropa Parlamentinin Beynəlxalq Ticarət Komitəsinin sədri Bernd Lange ABŞ-ın yeni tariflərini “əsassız, qeyri-qanuni və qeyri-mütənasib” adlandırmışdı.
