Almaniyada avtomobil satışları azalıb

Mart ayında Almaniyada avtomobil satışları 3,9%, azalıb.  

Operativ Media xəbər verir ki, bu barədə  Federal Avtomobil Nəqliyyatı İdarəsinin (KBA) hesabatında məlumat verilib.

Məlumatda qeyd olunub ki, Almaniyada qeydiyyata alınan yeni minik avtomobillərinin sayı ötən ilin eyni ayı ilə müqayisədə 3,9% azalaraq 253 497 min ədəd olub.

Benzin mühərrikli avtomobillərin satışı 29,4%, dizel mühərriklilərin satışı 21,7% azalıb. Elektriklə işləyən avtomobillərin qeydiyyatı 35,5%, hibridlərin satışı isə 22,1% artıb.