"Darçınlı çay sadə bir zövq olmaqla yanaşı, sağlamlıq üçün faydalı təsirlərə malikdir..."
Darçın yalnız aromatik bir ədviyyat deyil, həm də qədim xalq təbabətinin vasitəsidir.
Moderator.az xəbər verir ki, bu barədəb"Verywellhealth" nəşri yazıb.
Müasir araşdırmalar təsdiqləyir ki, bu bitkidən hazırlanan çay sağlamlıq üçün əhəmiyyətli faydalar verə bilər, baxmayaraq ki, bəzi təsirlərin elmi olaraq daha da sübut edilməsinə ehtiyac var. Budur, bu içkini gündəlik pəhrizinizə daxil etməyiniz üçün yeddi səbəbi təqdim edirik.
1. Şəkər səviyyəsini tənzimləyir
Darçınlı çay insulinin fəaliyyətinə bənzər şəkildə qan şəkərini azaltmağa kömək edə bilər. Xüsusilə, bu çay prediabet və ya 2-ci tip şəkərli diabeti olan insanlar üçün faydalıdır. Bir sıra araşdırmalarda gündə 1-2 çay qaşığı darçın qəbul edən iştirakçılar şəkər səviyyələrində əhəmiyyətli dərəcədə azalma müşahidə edib.
2. Menstruasiya ağrılarını aradan qaldırır
Bir çox qız və qadın menstruasiya dövründə ağrılardan əziyyət çəkir. Təbii darçınlı çay ağrıkəsicilərə yüngül bir alternativ ola bilər. Bir araşdırmada belə içkini qəbul edən yeniyetmələr ağrının əhəmiyyətli dərəcədə azaldığını bildirib.
3. Menstruasiyanın çoxluğunu azaldır
Əgər çoxsaylı qanaxmalarla üzləşirsinizsə, darçınlı çay kömək edə bilər. Menoreya (çox qanaxma) yaşayan qadınlarla aparılan bir araşdırmada gündəlik az miqdarda darçın qəbulunun qan itkisinin əhəmiyyətli dərəcədə azaldığı məlum olub.
4. Ürəkbulaya ilə kömək edir
Darçının ətri və isti dadı ürəkbulanma və qusma halları zamanı rahatlayıcı təsir göstərir. Kimyaterapiya alan xəstələrdə darçın yağının ətrinin nəfəs alması simptomların intensivliyini azaldıb. Çay barədə ürəkbulanmalara qarşı təsiri haqqında məlumatlar məhdud olsa da, bu içki rahatlıq hissi verə bilər.
5. Normal təzyiqi dəstəkləyir
Darçınlı çayın təsiri barədə az sayda araşdırma olsa da, elmi məlumatlara görə, darçın özü sistolik və diastolik qan təzyiqini aşağı salmaq qabiliyyətinə malikdir. Bu, xüsusilə yüksək qan təzyiqi (hipertoniya) olan insanlar üçün faydalıdır və ümumi sağlam həyat tərzi ilə birləşdirildikdə daha da təsirli ola bilər.
6. Çəkinin azaldılmasına kömək edir
Bəzi araşdırmalar göstərir ki, darçınlı çayın müntəzəm qəbul edilməsi bədən kütləsini, bel ölçüsünü və bədən kütləsi indeksini azalda bilər. Bu effekt darçının maddələr mübadiləsinə və iştahınıza təsir etməsi ilə izah olunur.
7. Antioksidant və iltihab əleyhinə maddələrlə zəngindir
Darçınlı çay sərbəst radikallara və iltihablara qarşı mübarizə aparan birləşmələrlə zəngindir, bu da onu xroniki xəstəliklərin qarşısını almaq üçün yaxşı bir yardımçıya çevirir.
Darçınlı çay necə hazırlanır?
Sadə bir üsul- 60 qram darçın çubuğunu bir litr suda otaq temperaturunda 24 saat dəmləmək, sonra qaynadıb süzməkdir. Alternativ olaraq, çubuqları 15 dəqiqə qaynadıb və ya 1-2 çay qaşığı üyüdülmüş darçını isti su ilə qarışdırıb süzə bilərsiniz.
Böyük miqdarda darçın istehlakı allergiyalar və həzm problemlərindən tutmuş bəzi dərmanlarla qarşılıqlı təsirə qədər yan təsirlərə səbəb ola bilər. Davamlı qəbul etməzdən öncə, xüsusilə hamilə və ya uşaq əmizdirən qadınlar və ya dərman qəbul edənlər üçün həkimlə məsləhətləşmək vacibdir.
