Yunanıstanın Rodos adasında qadınlar arasında şahmat üzrə Avropa çempionatı davam edir.
Apasport.az xəbər verir ki, yarışda səkkiz azərbaycanlı şahmatçı çıxış edir.
4-cü tur şahmatçılarımız üçün uğursuz alınıb. Onlardan 4-ü məğlubiyyət yaşayıb, 2 təmsilçimiz qələbə qazanıb, 2-i heç-heçəyə razılaşıb.
Üç turdan sonra ən yaxşı vəziyyətə malik olan Gövhər Beydullayeva növbəti qələbəsini qazanıb. O, liderdən yarım xal geri qalır. Gülnar Məmmədova qələbə sayəsində 16-cı pilləyə yüksəlib.
Avropa çempionatından Dünya kubokuna da on vəsiqə veriləcək.
Ümumilikdə yarışda 34 ölkədən 137 şahmatçı iştirak edir.
4-cü turda Azərbaycan şahmatçılarının rəqibləri:
Mariya Brunello (İtaliya) - Gövhər Beydullayeva - 0:1
Səbinə İbrahimova - Meri Arabidze (Gürcüstan) - 0:1
Stavrula Tsulakidu (Yunanıstan) - Ayan Allahverdiyeva - 1:0
Mariya Gevorqyan (Ermənistan) - Ülviyyə Fətəliyeva - 1:0
İnna Qaponenko (Ukrayna) - Lalə Hüseynova - 1:0
Kata Karaçoni (Macarıstan) - Gülnar Məmmədova - 0:1
Anastasiya Avramidu (Yunanıstan) - Nərmin Abdinova - 0,5:0,5
Türkan Məmmədyarova - Emiliya Diak (Rumıniya) - 0,5:0,5
Şahmatçılarımız Avropa çempionatında mübarizə aparacaqlar
Daha iki şahmatçımız Dünya kubokunda
Mirzəyev itkisiz irəliləyir
Şahmatçılarımız Avropa çempionatını ilk 20-də bitirib
Azər Mirzoyev Budapeştdə 6-cı olub
