"ABŞ Prezidenti Donald Tramp rusiyalı həmkarı Vladimir Putinlə danışıqlarda Ağ Evin Ukraynadakı məğlubiyyətini ancaq vicdanla etiraf edə bilər".
Publika.az xəbər verir ki, bunu "Judging Freedom" "YouTube" kanalına müsahibəsində ABŞ Silahlı Qüvvələrinin keçmiş kəşfiyyatçısı Skot Ritter deyib.
"Bununla belə, onun bir kozır kartı var: dürüstlük kartı. Və onun mahiyyəti tanınır: kartları masaya qoymaq və birbaşa demək: "Biz məğlub olduq və indi mənim vəzifəm məğlubiyyətin nəticələrini yumşaltmaqdır", - o deyib.
Ritter hesab edir ki, Trampın ən yaxşı strategiyası “Rusiyaya istədiyi hər şeyi vermək” olacaq.
Xatırladaq ki, martın 24-də Səudiyyə Ərəbistanında Rusiya ilə ABŞ arasında danışıqlar baş tutub və 12 saatdan çox davam edib.
