Bu gün İqtisadiyyat Nazirliyi yanında Əmlak Məsələləri Dövlət Xidmətinin keçirdiyi növbəti hərracda ləğv prosesində olan Dövlət Sığorta Kommersiya Şirkətinə ("Azərsığorta" ASC) məxsus 14 nəqliyyat vasitəsi satılıb.
"Report" Dövlət Xidmətinə istinadən xəbər verir ki, hərraca çıxarılan nəqliyyat vasitələrinə ümumilikdə 8 sifariş qəbul edilib, ilkin qiyməti 32 250 manat olan 14 avtomobil 32 930 manata satılıb.
Hərracda satılan nəqliyyat vasitələrinin siyahısı və yekun satış qiymətləri ilə linki vasitəsilə tanış olmaq mümkündür.
Bövbəti hərraclar 8, 22 və 24 apreldə keçiriləcək. Hərraclara bir səhmdar cəmiyyətinin səhm paketi, nəqliyyat vasitələri, avadanlıqlar və texnikalar çıxarılacaq.
İştirak etmək istəyənlər “” və “” internet saytlarından hərraca çıxarılan əmlaklar üzrə seçim edə bilərlər.
