"Bu qayda sağlam həyat tərzi və sağlamlığın gücləndirilməsi üçün yeni bir yanaşmadır..."
Mütəxəssislər əmindir ki, "12 saat" qaydasına riayət etmək uzunömürlülüyün açarı ola bilər. Bu pəhriz metodu ürək-damar xəstəlikləri riskini azaltmağa, çəkiyə nəzarət etməyə və yaşlanma proseslərini yavaşlatmağa kömək edir.
Moderator.az xəbər verir ki, bu barədə "The Mirror" saytı məlumat yayıb.
Araşdırmalara görə, metodun mahiyyəti yemək vaxtını 12 saatla məhdudlaşdırmaq maddələr mübadiləsini yaxşılaşdırmağa və orqanizmə yükü azaltmağa kömək edir.
Məsələn, ilk yemək saatı səhər saat 8-dirsə, sonuncusu ən gec saat 8-də olmalıdır. Bu zaman yuxudan 3-4 saat öncə yeməkdən qaçmaq vacibdir ki, həzm sistemini yükləməyəsiniz.
Diyetoloq Valter Longo bu metodu vitaminlər və faydalı yağlarla zəngin pəhrizlə birləşdirməyi tövsiyə edir. O, pəhrizə zeytun yağı, qoz-fındıq, tərəvəz, otlar əlavə etməyi və doymuş yağların istehlakını məhdudlaşdırmağı məsləhət görür.
Elmi təsdiqi
Harvard alimləri 16 il ərzində 26.902 kişi üzərində aparılan araşdırma nəticəsində göstərib ki:
- Gecə saatlarında yemək yeyən şəxslərin ürək-damar xəstəlikləri riski 55 faiz daha yüksəkdir;
- Səhər yeməyindən yan keçən kişilər ürək problemləri riski ilə 27 faiz daha çox qarşılaşır.
Bundan əlavə, gecə yeməyi turşu reflyksunun, qıcqırma və yuxu keyfiyyətinin pisləşməsinə səbəb olur.
Diyetoloq Helen Bell qeyd edir ki, gecə yüngül yeməklər adətən zərərli, yüksək kalorili məhsullardan ibarət olur ki, bunlar pis həzm olunur və piy kimi yığılır.
Uzunömürlülük üçün sadə vərdişlər
Qida vaxtı rejiminə riayət etməklə yanaşı, alimlər uzun ömür sürməyə kömək edən əsas vərdişləri qeyd edir:
- Fiziki aktivlik - müntəzəm məşqlər (gəzinti, üzgüçülük, yoga) ürəyi və əzələləri gücləndirir.
- Keyfiyyətli yuxu - 7-9 saatlıq yuxu orqanizmi bərpa etməyə və hormon balansını normallaşdırmağa kömək edir.
- Stresə nəzarət - meditasiya, nəfəs alma məşqləri və istirahət zehni qoruyur və əhval-ruhiyyəni yaxşılaşdırır.
- Sosial əlaqələr - yaxınlarla güclü münasibətlər stressi azaldır və emosional sağlamlığı yaxşılaşdırır.
- Zehni fəaliyyət - oxumaq, yeni bacarıqları və dilləri öyrənmək beyinin fəaliyyətini dəstəkləyir, dəmensiya riskini azaldır.
- Zərərli vərdişlərdən imtina- siqaret çəkmək və aşırı alkoqol istifadəsindən qaçmaq ömrü əhəmiyyətli dərəcədə uzadır.
Bu tövsiyələrə riayət etmək və "12 saat" qaydasına əməl etmək sağlamlığı gücləndirmək və gəncliyi uzatmaq üçün effektiv bir yol ola bilər.
