ABŞ prezidenti Donald Tramp Çindən gətirilən mallara rüsumları 145%-ə qaldırıb.
NOCOMMENT.az xəbər verir ki, bu barədə Amerikanın CNBC telekanalı mənbələrə istinadən məlumat yayıb.
“Ağ Ev cümə axşamı CNBC-yə təsdiq edib ki, Çinə ümumi tarif dərəcəsi faktiki olaraq 145% olacaq. O, fentanil böhranına cavab olaraq tətbiq edilən 20% tarifdən əlavə, mallara yeni 125% tarifdən ibarətdir”, – kanalın bəyanatında deyilir.
Daha əvvəl Reuters xatırladıb ki, Tramp Çin mallarına 10% rüsum tətbiq etməklə başlayıb, sonra isə ölkəyə fentanilin (Çində istehsal olunan narkotik) idxalının davam etməsi səbəbindən daha 10% əlavə edib.
Qeyd edək ki, aprelin 9-da Tramp ABŞ-ın 75-dən çox ölkəyə ticarət tariflərini 90 gün müddətinə dayandırdığını açıqlayıb. Bundan əlavə, Tramp ABŞ-ın Çinə tətbiq etdiyi tarifləri dərhal 125%-ə qaldıracağını bildirib. Onun sözlərinə görə, Çin “dünya bazarlarına hörmətsizlik” göstərib.
