Zaqatala, 11 aprel, AZƏRTAC
Zaqatalada piyadanın vurulması ilə nəticələnən yol-nəqliyyat hadisəsi qeydə alınıb.
AZƏRTAC-ın bölgə müxbiri xəbər verir ki, hadisə şəhərin Heydər Əliyev prospektində baş verib.
“VAZ 21099” markalı minik avtomobili yolu keçmək istəyən 44 yaşlı şəhər sakini Vəfa Mustafayevanı vurub. Müxtəlif dərəcəli bədən xəsarətləri ilə xəstəxanaya çatdırılan qadının vəziyyəti orta-ağır qiymətləndirilir.
Hadisə ilə bağlı Zaqatala Rayon Polis Şöbəsində araşdırma aparılır.
