Böyük Britaniya kralı III Çarlzın kiçik oğlu şahzadə Harrinin Ukraynaya gizli səfərini detalları bəlli olub.
Publika.az xəbər verir ki, Rusiya Dövlət Dumasının beynəlxalq məsələlər komitəsi sədrinin birinci müavini Aleksey Çepa Lenta.ru- ya müsahibəsində bildirib ki, Ukrayna lideri Vladimir Zelenski bu səfər vasitəsilə Böyük Britaniyaya yaxınlığını ABŞ prezidenti Donald Trampa nümayiş etdirməyə çalışır.
O, bildirib ki, Böyük Britaniya həmişə olduğu kimi ABŞ-la öz oyununu oynayır, kəşfiyyat xidmətləri də öz oyunlarını oynayır. Çepa vurğulayıb ki, onların Ukrayna liderinə və onun ətrafına böyük təsiri var.
Bundan əlavə, deputatın sözlərinə görə, onlar Ukraynanın Böyük Britaniyadakı səfiri olan Ukrayna Silahlı Qüvvələrinin (AFU) keçmiş baş komandanı Valeri Zalujnıya fəal şəkildə təsir göstərirlər.
