"Real Madrid" 2025-ci ildə sol cinah müdafiəçisi mövqeyini gücləndirməyi planlaşdırır.
90deqiqe.Az "FCInterNews"a istinadən xəbər verir ki, Los Blancos üçün prioritet namizəd "Bavariya"nın futbolçusu Alfonso Davyesdir. Bununla belə, Madrid komandasının da alternativ variantları var. Bunlardan biri də “İnter”dən Federiko Dimarkonun transferidir. "Real" artıq 27 yaşlı futbolçunun agenti ilə danışıqlara başıayıb.
Nüfuzlu Transfermarkt portalının ekspertləri Federiko Dimarkonu 60 milyon avro qiymətləndirirlər. Müdafiəçinin "İnter"lə hazırkı müqaviləsi 2027-ci ilin ortalarına qədərdir. Neradzurrilər onu digər klubların maraqlarından qorumaq üçün Dimarko ilə yeni əmək müqaviləsi imzalamaq istəyir.
