İspaniya La Liqasının 12-ci turundan “Valensiya” ilə təxirə salınmış oyunda 2:1 hesablı əzmkar səfər qələbəsi “Real” üçün əlamətdar olub.
Arena.az məlumat verir ki, bu qələbə sayəsində Madrid təmsilçisi İspaniya çempionatlarında çıxışı ərzində 5000 xal həddinə çatmış və müvafiq göstəricini aşmış ilk klub olub.
İndi “kral klubu”nun hesabında İspaniya çempionatları tarixində əldə edilmiş 5002 xal var. Müvafiq göstəricidə 2-ci nəticə 4887 xal toplamış “Barselona”ya məxsusdur. İlk üçlüyü isə 4018 xalla Madrid “Atletiko”su qapayır.
19 oyundan 43 xalla “Real” İspaniya La Liqasının yarış cədvəlinin zirvəsində şərti lider qismində qərarlaşıb. 18 oyundan 41 xalla 2-ci pillədə qərarlaşmış Madrid “Atletiko”su mümkün lider qismindədir. “Valensiya” isə 18 oyundan 12 xalla sonuncu – 20-ci pillədə can verir.
