Almaniyanın Hamburq şəhəri yaxınlığında baş verən zəncirvari qəzada 20 nəfərə yaxın şəxs xəsarət alıb.
APA-nın “Bild” nəşrinə istinadən xəbərinə görə, ilkin ehtimala əsasən hadisə yük avtomobilinin təkərlərindən birində yaranan nasazlıq səbəbindən baş verib. Nəticədə nəqliyyat vasitəsi idarəetməni itirərək çevrilib, bundan sonra isə bir neçə maşınla toqquşub.
Qəzada xəsarət alanlar yaxınlıqdakı xəstəxanaya çatdırılıb.
Hadizə zamanı avtomobildəki yük ətrafa dağılıb və magistral yolda tıxac yaranıb. Hazırda mütəxəssislər alternativ yoldan hərəkətə icazə verilməsi imkanlarını araşdırır.
