“Tottenhem”in baş məşqçisi Angelos Postekoqlu İngiltərə Premyer Liqasının “Nyukasl”la 20-ci tur ev oyununu şərh edib.
Arena.az məlumat verir ki, “mahmızlar” 1:0 üstünlük saxladıqları oyunu yekunda “sağsağanlar”a 1:2 hesabı ilə məğlub olublar.
Yunanəsilli avstraliyalı mütəxəssis Postekoqlu bu xüsusda qısa və narazı açıqlaması ilə diqqət çəkib:
“Oyunçularım özlərinə sadiqdirlər və bu, onlara etinasız deyil. Əlbəttə, uşaqlar məyusdurlar. Mən onları başa düşürəm, amma mən özüm də qəzəblənirəm, çünki biz bu oyunda qalib gəlməyə layiq idik”, – “Tottenhem”in rəsmi saytı Postekoqludan sitat gətirir.
20 oyundan 24 xalla “Tottenhem” İngiltərə Premyer Liqasının yarış cədvəlinin 12-ci pilləsində qərarlaşıb. “Nyukasl” isə 35 xalla 5-ci pillədədir.
İngiltərə Premyer Liqasına 19 oyundan 46 xalla “Liverpul” başçılıq edir.
