"Yuventus" "Mançester Yunayted"in futbolçusu Coşua Zirkze ilə maraqlanır.
QOL.az xəbər verir ki, bu barədə insayder Fabrizio Romano məlumat yayıb.
Turin təmsilçisi 23 yaşlı hücumçunu yanvarda heyətinə qatmaq istəyir. Onun yaxın ətrafı ilə danışıqlar artıq bir neçə həftə əvvəl başlayıb.
Bildirilir ki, İngiltərə klubu futbolçusunu icarəyə vermək niyyətində deyil, ona görə də transferin gerçəkləşməsinə "Yuventus"un təklifi təsir göstərəcək.
Qeyd edək ki, Coşua Zirkze bu mövsüm "Mançester Yunayted"in heyətində 28 oyuna çıxaraq 4 qol vurub və 2 qolun ötürməsini edib.
