İtaliyanın "Yuventus" və İngiltərənin "Mançester Yunayted" klubları qış "transfer pəncərəsi"ndə oyunçularını dəyişdirə bilərlər.
Fanat.Az xəbər verir ki, bu barədə "Talksport" məlumat yayıb .
Xəbərə görə, "qoca sinyora" Coşua Zirkzenin qarşılığında Duşan Vlahoviçi İngiltərə klubuna təklif edib.
Turinlilər uzun müddətdir ki, niderlanlını izləyirlər və onu əldə etmək üçün 2022-ci ildə 83 milyon avro ödədiyi Vlahoviçi qarşı tərəfə göndərməyə hazırlaşırlar.
Xatırladaq ki, Zirkze 6 ay əvvəl 42,5 milyona mankunianlılara keçib.
Vlahoviç bu mövsüm bütün turnirlərdə 25 matçda 12 qol vurub və 3 məhsuldar ötürmə edib, Coşua isə 28 matçda "4+2"-lik (qol+assist) göstərici ilə yadda qalıb.
Mirağa
