Braziliyalı millisinin əfsanəvi futbolçusu Roberto Karlos 15 il evli olduğu həyat yoldaşı Mariana Lukkondan boşanır.
“Qafqazinfo” xarici KİV-ə istinadən xəbər verir ki, 51 yaşlı futbolçu artıq onların birlikdə yaşadığı evi tərk edib.
İspaniya mətbuatının yazdığına görə, “Real”ın maliyyə departamentində fəaliyyət göstərən sabiq müdafiəçi Madrid klubunun bazasında məskunlaşıb.
Həmçinin bildirilib ki, R.Karlos üçün boşanma prosesi çətin keçəcək. Çünki o, 166 milyonluq sərvətinin bir hissəsini itirəcək.
Qeyd edək ki, cütlüyün iki övladı var.
