Ukraynanın pilotsuz uçuş aparatlarının (PUA) hücumuna məruz qalan Saratov vilayətinin Engels şəhərində Rusiya tərəfindən fövqəladə vəziyyət elan edildiyi bildirilib.
"Cebheinfo.az" xəbər verir ki, Saratovun qubernatoru Roman Busargin hücumla bağlı məlumat verib.
Hücum səbəbiylə Engelsdə sənaye bölgəsində baş verən yanğının davam etdiyini deyən Busargin bölgədə fövqəladə vəziyyət elan edilməsinə qərar verildiyini bildirib.
Rusiya mətbuatında yer alan görüntülərdə zədələnmiş sənaye zonasında baş verən və geniş əraziyə yayılan yanğının söndürülməsi üçün işlərin davam etdiyi görünür.
Rusiya Müdafiə Nazirliyi bu gün verdiyi yazılı açıqlamada öz ərazilərinə edilən hücumlarda 32 Ukrayna PUA-nı məhv etdiklərini bildirib.
