Enerji keçidində lider və dəniz suyunun duzsuzlaşdırılması üzrə dünyanın ən böyük özəl şirkəti olan “ACWA Power”in hazırda tikdiyi 240 meqavatlıq Xızı-Abşeron külək elektrik stansiyası (KES) yaxınlığında 8 ərazidə günəş panelləri quraşdırıb.
Bu təşəbbüs Sitalçay və Çaylı kəndlərinə yaxın ərazilərdə çobanlar və fermerlərin sosial şəraitini yaxşılaşdırmaq məqsədi daşıyır. Bu uzaq ərazilər əsas enerji şəbəkəsindən ayrılıb və quraşdırılmış günəş panelləri qeyd olunan sahələrdə etibarlı və davamlı elektrik enerjisi verilişini gerçəkləşdirir.
Xatırladaq ki, günəş panelləri günəş işığını birbaşa elektrik enerjisinə çevirə, lazım gəldikdə enerjini istifadə üçün batareyalarda da saxlaya bilir. Beləliklə, daha sabit və etibarlı bir enerji təchizatı təmin olunur. Fotovoltaik sistemlər şəbəkəyə qoşulmamış ərazilərdə əsas enerji xidmətləri gerçəkləşdirmək üçün davamlı alternativ hesab edilir.
