“Tottenhem”in uruqvaylı yarımmüdafiəçisi Rodriqo Bentankur İngiltərə Liqa Kubokunun “Liverpul”la ilk yarımfinal oyununda (1:0) zədələnib.
Arena.az məlumat verir ki, oyunun 7-ci dəqiqəsində künc zərbəsi zamanı Bentankur uğursuz surətdə boynu üstə yerə dəyib və ciddi zədə alıb.
Bentankur sərbəst surətdə ayağa qalxa bilməyib və həkimlər futbolçunu xərəkdə meydandan çıxarmalı olublar. Oyunda yaranmış fasilə 10 dəqiqəyə qədər davam edib, yekunda Bentankur əvəzlənib.
“Mahmızlar” baş məşqçisi Angelos Postekoqlu Rodriqo Bentankurun ciddi zədə aldığını bildirib:
“Mən bütün məlumata malik deyiləm. Mənim başa düşdüyüm odur ki, onun şüuru üstündə idi, paltardəyişmə otağına çatanda isə huşunu itirmişdi. Onu müayinədən keçmək üçün xəstəxanaya apardıq. Bu, narahat məqam idi və həmişə narahatlıq yaradırdı, amma ümidvaram ki, yaxşı olacaq.
Mən ehtikarlıq etmək istəmirəm. Bu, bir növ kəllə-beyin zədəsi idi. Bu, komanda yoldaşlarının ondan narahat olması üçün kifayət qədər ciddi idi”, deyə “Ange” vurğulayıb.
Bir müddət sonra Bentankur xəstəxanadan şəkil və bu şəkil üzərində öz səhəhti haqda qısa məlumat paylaşıb:
“Hər şey yaxşıdır, uşaqlar! İsmarışlar üçün təşəkkürlər! Qələbə münasibətilə təbriklər, oğlanlar!”, – Bentankur şəkil üzərində paylaşıb.
Futbolçunun bərpa müddəti haqda məlumat hələ açıqlanmayıb.
Dayaq yarımmüdafiəçisi Rodriqo Bentankur “Boka Xuniors”un yetirməsidir. Uruqvaylı futbolçu “Tottenhem”ə 2022-ci ilin yanvarında 19 milyon avro məbləğ müqabilində “Yuventus”dan keçib.
Bentankurun “mahmızlar”la müqaviləsinin müddəti 2026-cı ilin iyun ayının sonuna qədər qüvvədədir.
Cari mövsümdə Bentankur “Tottenhem”in heyətində 20 oyuna çıxıb, 2 qol və 1 məhsuldar ötürmə ilə fərqlənib.
Bentankurun “mahmızlar”ın heyətində çıxışının ümumi mənzərəsi 89 oyun, 9 qol, 8 məhsuldar ötürmədən ibarətir.
Bentankur 2017-ci ilin oktyabr ayında debüt etdiyi Uruqvay yığmasının heyətində 66 oyuna 3 qol, 2 məhsuldar ötürmə ilə fərqlənib.
Rodriqo Uruqvayın U-20 yığması ilə 2017-ci il Cənubi Amerika Çempionatının qalibi olub.
“Transfermarkt” internet-portalı 27 yaşlı uruqvaylı dayaq yarımmüdafiəçisi Rodriqo Bentankurun transfer dəyərini 35 milyon avro məbləğində qiymətləndirir.
