"Qarabağ"ın baş məşqçisi Qurban Qurbanov zədədən əziyyət çəkən futbolçularının durumu haqda danışıb.
QOL.az xəbər verir ki, o, "Kəpəz"lə bu gün keçirdiləri yoxlama matçından (5:1) sonra bu haqda sualı cavablandırıb:
"Bədavi Hüseynov hələ komanda ilə məşq etmir. Bəhlul və Veşoviçə bu gün 20-25 dəqiqə şərait yaratdıq. Zubirin neçə gündür temperaturu var idi. Yavaş-yavaş tam bərpa olunurlar. Aleksey İsayev də əməliyyat olunub, lakin ilk gündən məşq edir. Ona da ehtiyalı olmağı tapşırmışdıq".
Göründüyü kimi, zədəlilərdən hələ ki, məşqə çıxmayan Bədavi Hüseynovdur. O, ötən ilin dekabr ayının ortalarında "Sumqayıt"la görüşdə əzələsindən zədə almışdı.
